Profirio Fernandes Xavier: Cudidado ba Feto Bonita Falso Iha Facebook!

Hau nia post ne’e mosu tanba iha loron hirak liu ba hau simu mensagem lohi ten sira dala hira tutuir malu. Ate hau tau iha hau nia Facebook. Belun diak ida husi Inglatera, fo comentario no share ninia involvimento ba hodi hakarak hatene barak ba lohi ten sira nia lalaok. Nia fo informasaun barak no hau buka tutan tan fali mos hatudo katak lohi ten sira nia maneira ne efetivo tebes. No, wain hira hau le, matenek nain sira dehan, lei nungka sei bele hafraku sira, só liu husi habelar informasaun mak bele. Tan ne hau ketik halimar tuir mai ne,e.

Uja internet ne’e ita contente tebes wain hira bele descobre mundo ho tur deit iha meja, hemu café, AC hu tan, rona musica; ida ne parte moris diak nian. Ba mane hotu, san tan quando koalia ho feto bonita ida, nudar mane, hanesan criatura nebe agresivo nebe mai ho nia identidade sexo mascilino, hakarak los koalia ho feto keleur, hakarak telfone, ida ansi liu mak hakarak hasoru. Ida ne nudar caracteristico mane ninian. Liu-liu ba sira nebe klosan.

Maibe saida mak akontese wain hira feto oan nebe mak ita chat ba ne’e naukten ida? Ou nia termo diak liu maka ‘lohi ten.’ Lohi ita ho nia “rayuan” atu sai doben. Kuando ita monu ona ba sira nia maneira bosok, ita sei sai vitima ba nia. Sai vitima tanba saida? Tanba ita monu ona ba nia manobra domin, nia sei husu osan ba ita, no osan ninia montante ne laos kikoan. Tuir ema babain koalia iha media katak sira husu atus ba atus to milliaun ba milliaun.

Ida ne karik ita balun rona hanesan babain. Sira nebe mak iha konyesemeto adecuado karik senti katak sei nungka bele monu ba manobra. Sira mos karik hanoin hau repete saida mak ema barak koalia bebeik. Hau nia intesaun laos atu repete, maibe habelar. Hanoin! Ema sira laiha konyecemento hanesan ita boot vulnerable tebes. Sira nebe foin uja Facebook bele sai vitima tanba seidauk akustumado ba parte at husi internet ne’e. Ate, ema matenek nain, osan barak mos bele vulneravel. HANOIN! alat ida ema uja hodi hamaus mane mak “FETO.” Ba ita nebe mak dehan, “ah…la hetan boy,” husu hader nafatin.

Temptasaun nia nivel as no intensivo tebes nebe presija deskobre. Presija ita konyese sira nia maneira par bele educa ita hotu. Ida mak, hau ema metan, hela iha foho, babain ba deit to’os mas derepenti feto inan ida, mutiiinn beee lotuk - body gitar, haruka mensagem ida mai dehan, sayang, Dear, Love.” Oh, ne halo kaben suli deit. Fuan la tahan hodi lakoi atu responde. Quando ida ne mosu, uja ita nia skill basico nudar humano hodi tetu, karik ida ne’e “rejeki nomplok?” Iha mundo, ema ida husi entre milliaun 200 mak foin hetan rejeki hanesan ne'e. Maibe ema ne’e laos ita bo’ot.

Sira nia maneira ida seluk mak, husu ita nia ajuda tanba feto oan ne agora iha susar no terus nia laran. Ita hatene, ema Timor ne ninia fuan ajuda malu kroat tebes. Katak, gosta ajuda ema ho forsa no osan. Feto lohi ten sira babain tane liman, tanis, konta nia susar para ita bele tanis tuir. No fim tanba ita mos senti kasian demais, ita bele monu tama sira nia lasu hodi foo san. Iha mos maneira seluk mak sira bele uja wain hira tuan ne fraco ona hodi hamaus ema.

Karik ita nia alin sira foin uja Facebook ne’e laiha osan doit ida nusa ita tengki tauk? Hau sei hanoin wain hira caso iha ida iha Ministerio Defesa k saida ne’e uluk uja osan estado nia mak haruka ba Mane ida iha Inglatera. Ida ne hatudo katak, osan rasik laiha maibe, oportunidade atu uja ema nia osan iha, ntaun buat ne bele akontese wain hira deit.

Hanesan hau dehan, ema sira nebe iha konyesementu adecuado mos bele vulneravel. Halo nusa? wain hira hau le feto lohi ten ida nia mensagem iha facebook, Facebook hatudo hau nia friends se se deit mak kolega ona ho feto lohi ten ne’e. Iha neba dehan “Mutual friends.” Ne significa katak feto lohi ten ne’e add ona kolega balu no sai friend. Nia sei bele uja maneira oi oini. Hau la hatene motivasaun tanba saida ita aseita hodi sai nia friend. Maibe bai-bain, profile iha, no bonita ne’e hatudo katak ema ne’e realidade iha duni. Mas ita la hatene katak nia hafu hela ita par trasa ninia maneira lohi ita ne.

Tanba ne’e tuir lolos habelar informasaun ne laos deit atu fo hatene ba sira nebe mak new comers iha internet maibe be hafanu mos ita sira nebe tuan tia ona halimar internet.

**Espera katak ida ne’e bele fo inspirasaun.