 |
Maske ema barak esforsu ona hanesan kampanha raut foer halo husi grupu komunidade, asosiasaun, no guvernu rasik. Mas ita hare neing iha mudansa oituan mos laiha (tinan ba tinan nafatin amen). Realidade hatudu katak ohin rame-rame hamos i hasai foto-video par sai iha media sosial i televisaun nasional, aban FOER tan fali.
Durante bain loron fulan hirak nia laran, lixu sira ita soe subar hakmatek los iha mota laran, rai kuak, fatuk kuak, kakuluk uma, kait iha ain hun leten, ai hun okos, kait iha moru. Sira sei deskansa hela tanba la raut, sira hakmatek iha knua neba. Wain hira udan monu rai, sira sei sai hotu no tun mai vila: iha estrada ibun, tasi ibun, no para iha tasi laran neba.
Foin dadauk ita lé notisia foun ida kona ba Ministeriu Turismu planu osan 2020 tau miliaun rua Dolar Amerikanu ba tuir expo ida iha rai liur (se la sala iha Katar), atu hamnasa la hamnasa maibe ne mak realidade. Ita iha krise akal sehat ou kewarasan kona ba strategia desenvolvimentu, liu-liu kona ba turismu nian. Tanba ita koalia atu desenvolve setor turismu, maibe ita la tau esforsu no rekursu barak liu ba problema prinsipal.
Ita hein deit, tempu too udan atu mai, ita sei hare objetu lixu iha linha kosteira iha cidade Dili nian. Udan ben sei hurlele lixu sira ba tasi, depois laloran hurlele sira mai fali tasi ibun. Objetu lixu forma iha tasi ibun ne sai ona hanesan karater ida ba Cidade Dili desde ukun an too agora.
**Espera katak ida ne’e bele fo inspirasaun.
